အကျော်အမော်ဆရ်ာတော်ဘုရားကြီးတို့ ၏ လုံ့ လဝီရိယ သြဝါဒများ

လုံ့ လမရှိသော သူတို့ ၏ ဥစ္စာကား လုံ့ လရှိသူတို့ ၏ ဧကန်မလွဲ ရောက်မြဲဖြစ်၏။ လူပျင်းလူညံ့တို့ သည်ကား အပတ်တကုတ် အားမထုပ်ဘဲ ရှေးအတိတ်ကံသာ အားကိုးရာ ပဓာနဟု

ဆိုစမှတ် ပြုကြကုန်၏။ လူတော်လူကောင်းတို့ သည် ပြုဖွယ်ကိစ္စ မှန်သမျှကို လုံလစိုက်ထုပ် အားထုတ်ကြိုးပမ်း ဆောင်ရွက်တက်ကုန်၏ ။ ကြံတိုင်းမအောင် ဆောင်တိုင်းမမြောက်ခဲ့လျှင်လည်း ကဲ့ရဲ့ငြိုငြင် အပြစ်တင်ဒေါသ အဘယ်မှာ ခံရဖွယ်ရှိအံ့နည်း ။(လောကနီတိ ပဏ္ဍိတ ကဏ္ဍ)

တစ်စပ်တည်းတစ်ဆက်တည်း

သင်ကြား မှတ်သားထားတာတွေ အများကြီးရှိပါတယ် ။တက်လဲတက် သိလဲသိကြပါတယ် ။အဲဒီအထဲက ကိုယ်ကြိုက်နှစ်သက်ရာ တစ်ခုခုကို စူးစူးစိုက်စိုက် ဝီရိယသန်သန်နဲ့  မှန်မှန်လုပ်ရန်သာ အရေးကြီးတယ် ။

(ဝေဘူဆရာတော်)

အရင်းအနှီး

အစွမ်းသတ္တိရှိရှိ လုံ့ လဝီရိယရှိရှိ ကြီးကြီးမားမားနဲ့  အလုပ်ကို တန်ဖိုးထားလုပ်မယ်ဆိုရင် နေရာတကာမှာ သြဇာညောင်းလာပါလိမ့်မယ် ။လုပ်သမျှအလုပ်တွေ အောင်မြင်ပြီါ် အထွတ်အထိတ် ရောက်တယ်ဆိုတာ အရင်းစစ်လိုက်တော့ ကြိုးစားကြလို့ ပါ ။ အမြင့်ရောက်သူတိုင်း လုံ့ လဝီရိယနဲ့  ကြိုးစားခဲ့ရတာချည်းပါပဲ ။(မဟာဂန္ဓာရုံဆရာတော် အရှင်ဇနကာဘိဝံသ)

ဝမရှိလျှင် ဝိမဖြစ်

လုံ့ လမရှိတဲ့သူ ဝီရိယနည်းတဲ့သူဟာ စီးပွားလဲ မတက်ဘူး ။ဂုဏ်လဲမတက်ဘူး ။ ကိုယ့်မှာမှ စီးပွားနဲ့ ဂုဏ် မပြည့်စုံရင် သူများအတွက်လဲ အကျိုးမဆောင်ရွက်နိုင်ဘူး ။သူများအကျိုးဆောင်မှ ကိုယ့် အကျိုးအောင်ဆိုတော့ သူအကျိုးမဆောင်တော့ ကိုယ့် အကျိုး မအောင်တော့ဘူးပေါ့ ။

(မဟာသီဟနာကျောင်းတိုက်ဆရာတော် ဘဒ္ဒန္တ အာစိဏ္ဍ)

အရင်းစိုက်မှ အမြတ်ရ

ဝီရိယကင်း၊ ပျင်းရိသူမှာ

ကိစ္စအားလုံး၊ ဆုံးရှုံးသည်သာ

အေးလှပူလှ၊ စောလှဆိုတာ

အချိန်ဖြုန်း၊ လူလုံးမလှပါ။

သားများသေဌ်နင်း၊ ခြင်္သေ့မင်းပင်

လုံ့ လမစိုက်၊ အိပ်ငိုက်နေလျှင်

ယုန်ငယ်ကစ၊ မိဂသမင်

ပါးစပ်တွင်း အလျှင်းလာမဝင်။

(စစ်ကိုင်း ရွှေဟင်္သာဆရာတော်ကြီး)

နောက်မဆုတ်တမ်း

အကျိုးရှိမည့် အလုပ်မှန်လျှင် မည်သူကပင် နှောင့်ယှက်ဖျက်ဆီးစေကာမူ စိတ်မပျက် လက်မပျက်

မလျော့သော လုံ့ လဝီရိယဖြင့် စွဲမြဲစွာ လုပ်ကိုင်ပါလေ။(မကွေးဆရာတော်ကြီး)

အအ အန

ဝီရိယပျောက်တော့ နတတ ဖြစ်တယ်။ ဝီရိယပျောက်သွားတဲ့အခါ ကိုယ့်လက်တစ်ကမ်းမှာ ကိုယ့်ကို

ကယ်တင်ပေးနိုင်တဲ့ စွမ်းအားတွေ တန်းစီနေကြပါရဲ့သားနဲ့  ဝီရိယနဲ့  မထုပ်နိုင်တဲ့အတွက် စွမ်းအားတွေ

လက်လွတ်ာ ဖြစ်သောကြောင့် “န”ပါတယ်တဲ့။(တိပိဋကဓရ၊ယော ၊ဆရာတော်)

မြင့်ကြစမ်းပါ

ဘုရားရှင် ပွင့်တဲ့အခါကို အခါကောင်းမည်တယ်။ လူ့ ဘဝ နတ်ဘဝ ရကြမှုသည် ဘဝကောင်းလို့မည်တယ်။ ဝီရိယထူထောင်မှုကို ဝီရိယကောင်းတယ်လို့ မည်တယ်။

ကိုယ့်ရည်ရွယ်ချက် ရှိတဲ့အတိုင်း ပြီးပြည့်စုံအောင် မြင်ကြပါ ။ သူတော်ကောင်း အစားစားတို့ သည်

နိဗ္ဗာန်ဝင်စံသွားကြတာ အသီးသီးရှိပါတယ်။ သူတော်ကောင်းတို့ ကလဲ ဤကဲ့သို့  အတုယူပြီးဝီရိယကို ထူတောင်ကြမယ်ဆိုရင် ပစ္စပ္ပန် သံသရာနှစ်ဖြာ ပြည့်စုံကြမယ် ။ဒါကြောင့် ဝီရိယကို ထူထောင်ပြီး အားထုပ်ပြီး ယူကြပါ ။(ဝေဘူဆရာတော်)

လုံ့ လကြောင့်

ယခုအခါ ဥရောပတိုက်သားတို့  ယုံကြည်ကိုးကွယ်သော ခရစ်ယာန်ဘာသာဝင် တစ်နေ့ တစ်ခြားလူဦးရေ

တိုးပွားလာခြင်းမှာ ထိုဘာသာဝင် လူမျိုးနှင့်ဘုန်ကြီးတို့ ၏ အားထုပ်မှု လုံ့ လဝီရိယကြောင့်သာ ဖြစ်သည်။

အာရှတိုက်သားတို့  ကိုးကွယ်သော ဗုဒ္ဓဘာသာဝင် လူမျိုးများသည် မကြာမကြာ ခရစ်ယာန်ဘာသာဝင်အဖြစ်သို့  ကူးပြောင်းသွားကြခြင်းမှာ ဗုဒ္ဓဘာသာဝင် ရဟန်းရှင်လူတို့် သည် မိမိတို့ ဘာသာ ကို တိုးပွားစေခြင်းငှါ လုံးလဝီရိယကို ကောင်းစွာ အားမထုပ်ခြင်းကြောင့် ဖြစ်သည် ။

(ရွှေဟင်္သာတောရ စံကျောင်းဆရာတော်ဘုရားကြီး)

ရဲရင့်သူတို့ ၏ စိတ်ထား

ကုသိုလ်လုပ်ငန်းနဲ့  ပတ်သက်ရင် “ငါ့တာဝန် မရှိဘူး”ဆိုပြီး တာဝန်ချထားတဲ့ပုဂ္ဂိုလ်ဟာ လုံ့ လဝီရိယ ကင်းတဲ့အတွက်ကြောင့် သူ့ အတွက် ကုသိုလ် ရလိမ့်မယ် မဟုတ်ဘူး ။ကုသိုလ်လုပ်ငန်းမှာ အမြဲတမ်း ငါ့အပေါ် တာဝန်ရှိနေတယ်လို့  တွက်ထားရမယ် ။ တာဝန်ရှိနေတယ်လို့  တွက်ထားတဲ့ ပုဂ္ဂိုလ်ဟာ မဖြစ်သေးတဲ့ ကုသိုလ်တွေ ဖြစ်အောင် ကြိုးစားမယ်ဆိုတဲ့ ဝီရိယအလိုလို ရလာတယ် ။ဖြစ်ပြီးတဲ့ကုသိုလ်တွေ ခိုင်မြဲအောင်၊ မဖြစ်သေးတဲ့ အကုသိုလ်တွေ တားနိုင်အောင်၊ဖြစ်ပြီးတဲ့ အကုသိုလ်တွေ ပယ်ရှားနိုင်အောင် ကြိုးစားဆိုတဲ့ ခိုင်မြဲတဲ့ လုံ့ လဝီရိယ၊ကုသိုလ်လုပ်ငန်းမှာ ငါ့တာဝန်ချည်းပဲလို့  တာဝန်ကိုအမြဲတမ်း ခေါင်းမှာတင်ထားတဲ့ စိတ်ဓာတ်၊တာဝန်ကို ချမထားတဲ့ စိတ်ဓာတ်နဲ့  ပြည့်စုံရမယ်။ရဲရင့်တဲ့ စိတ်ဓာတ်ရှိရမယ် ။ (သီတဂူဆရာတော် အရှင်ဥာဏိဿရ)

အောင်မြင်မှု၏ သော့ချက်

ဝီရိယမရှိရင် ဘာမှ မအောင်မြင်ဘူး ။ဝီရိယ ဆိုတာ ကာယဝီရိယ၊ စိတ္တဝီရိယဆိုပြီး နှစ်မျုိး်ရှိပါတယ် ။

ကာယဝီရိယဆိုတာက ခန္ဓာကိုယ် ပင်ပန်းနွမ်းနယ်လို့  လမ်းလျှောက်ပြီး စာကျက် စာအံနေတာဟာ ကာယဝီရိယလို့ ခေါ်တယ် ။ စေတသိကဝီရိယဆိုတာကတော့ ဒီစာမရရင် ဒီအလုပ်မပြီးရင်-မအောင်မြင်ရင်

ဒီနေရာကမထတော့ဘူး ဆိုပြီး စာကျက်နေတာကို စေတသိကဝီရိယလို့ ခေါ်တယ် ။ ဒါကြောင့် နေရာတကာမှာ ဝီရိယရှိကြပါ ။ဒါမှ အောင်မြင်ပါလိမ့်မယ် ။(မဟာဇောတိကာရာမ ဆရာတော် ဘဒ္ဒန္တစန္ဒသိရီ)

အရှိန်မသေပါစေနှင့်

အကျိုးပေးကြမယ် ကံဟောင်းတွေ ပါလာကြပေမဲ့ ဒီဘဝမှာ လုံ့ လဝီရိယတွေနဲ့  ပံ့ပိုးကူညီကြရပါသေးတယ်

ဒီဘဝမှာ လုံ့ လဝီရိယတွေနဲ့  ဆက်ပြီးမပံ့ပိုး မကြိုးစားဘူးဆိုရင်တော့ အရှိန်တွေဟာ တဖြည်းဖြည်းနဲ့  ကျမှန်းမသိ ကျဆင်သွားတော့တာပါပဲ ။ဒါကြောင့် ဝီရိယကတော့ အမြဲတမ်းရှိနေကြရမှာပါ ။ ဘယ်တော့မှ မလျှော့နဲ့  ။ဝီရိယကို မလျှော့နဲ့  ။  (မဟာဂန္ဓာရုံဆရာတော် အရှင်ဇနကာဘိဝံသ)

ကြိုက်ရာရွေး

ကြောက်တုံးကို တောင်ပေါ်တင်ချရင် အတော်လေးကြိုးစားရ၏ ။အောက်ချချင်လျှင်တော့ ခဏကလေးဖြင့် အလွယ်တကူ ချနိုင်၏ ။ဂုဏ်လိုလျှင် အတော်ကြိုးစားရ၏ ။ အပြစ်လိုလျှင်တော့ အလွယ်ပင် သင်အခတ်လမ်းကို လိုက်ပါသလား…..။အလွယ်လမ်းကို လိုက်ပါသလား….။ကြိုက်ရာရွေး ။ (သပြေကန်ဆရာတော်)

အထက်တန်းလက်မှတ်

အခုခေတ်မှာ အထက်တန်းရောက်နေသူတွေဟာ အများအားဖြင့် အာသာဆန္ဒ အားလျှော်စွာ ကြိုးစားအားထုပ်လာကြသူတွေသာ ဖြစ်ကြပါတယ် ။သို့ ဖြစ်၍ ခဲခဲယဉ်းယဉ်း ရရှိလာတဲ့ မိမိတို့ ရဲ့ လူ့ ဘဝကို အခုရောနောင်ပါ အထက်တန်းရောက်အောင် ထက်သန်တဲ့အာသာဆန္ဒကို အရင်းခံပြီး

သမ္မာရဒ္ဓဝီရိယဖြင့် ကိုယ်စီကိုယ်င မြင့်တင်နိုင်ကြပါစေ ။(မြောင်းမြဆရာတော် အရှင်ကုမာရ)

ဆန်ပေးမှ ဆေးရမည်

ကမ္မ..လုပ်အား။ ကမ္မဖလ...လုပ်ခ။တစ်စုံတစ်ယောက်သော ပုဂ္ဂိုလ်သည် လုပ်အားပေးလျှင် လုပ်ခရနိုင်သည် ။လုပ်အားမပေးလျှင် လုပ်ခမရနိုင် ။လုပ်ခကိုလိုချင်လျှင် လုပ်အားပေးရမည်။

ကြီးပွားလို လျှင် လုံ့ လအားဖြင့် ကြီးစားရမည် ။(ဆရာတော် အရှင်ဃောသိတ)