လျှောက်သောလမ်းကလေး မပျောက်စေချင်

ဦးဇင်းဖတ်ဖူးသော ရူပဘေဒ ဘာသာရပ်တစ်ခုမှာလားရာဘက်ပါသော ရွေ့ လျားမှု့ မှန်သမျှ အရွှေ့ (သို့ မဟုတ် )အလုပ်လို့ ခေါ်တယ် လို့ ဆိုပါတယ်။ဦးတည်ဘက် လားရာရှိမှသာလျှင် ရွှေ့ လျားမှုအထမြောက်၍အလုပ်ဖြစ်ပါသည်ဟုဆိုခြင်း ဖြစ်ပါတယ် ။ဦးတည်ချက်လမ်းကြောင်းကောင်းကောင်းရှိရမည်ဖြစ်ပါသည် ။ဘုရားအဆူဆူတို့ လိုက်ခဲ့သော လမ်းသည် တစ်လမ်းတည်းသာ ဖြစ်ပါသည် ။ထိုလမ်းသို့ လိုက်မှသာလျှင် မုချအမှန် ချမ်းသာခံစားရမည်ဖြစ်၍ မလိုက်သူမှာ သံသရာဝဲသြဃထဲတွင် တဝဲလည်လည်နေရစ်လိမ်ဦးမည် ။

ပွင့်တော်မူပြီးသော ဘုရားအဆူဆူတို့ ၏လမ်းမှာ တစ်ခုတည်းလျှောက်လမ်းခဲ့သောလမ်းမှာ ဘေးအစွန်းနှစ်ပါးကင်း၏ ။တင်းလွန်းသောလမ်းလည်းမဟုတ်လျော့လွန်းသောလမ်းလည်းမဟုတ် ၊မလျော့မတင်းစောင်းကြိုးညှင်းကဲ့သို့ အလယ်အလတ်မတင်းလွန်း မလျော့လွန်းသော မစ္ဇျိမပဋိပဒါလမ်းဖြစ်ပါသည် ။နိဗ္ဗာန်အမှန်ဆိုက်ရောက်ရာ သိ ပါယ် ဆိုက် ပွား အရ ဒုက္ခကို သိခြင်းသမုဒယကိုပယ်ခြင်း နိရောဓကို မျက်မှောက်ပြုခြင်း မဂ္ဂသစ္စာကိုပွားများရန်ပင်ဖြစ်ပါသည် ။တနည်း

သစ္စာလေးပါးတရားကိုသိ၍ ကျင့်ယူခြင်းပင်ဖြစ်ပါသည် ။ထိုသစ္စာလေးပါကိုသိ၍ဒုက္ခအပေါင်းမှလွတ်မြောက်ရာ မဂ္ဂင်ရှစ်ပါးလမ်းကြောင်းဖြင့်တည့်မတ်ဖြောင့်မှန်စွာ သွားခြင်းပင်ဖြစ်ပါသည် ။

သစ္စာလေးပါးကို သိရာ၌ 

ဒုက္ခသစ္စာ--ဆင်းရဲခြင်းအမှန်တရားသိခြင်း (ဖြစ်ဒုက္ခ ပျက်ဒုက္ခကိုပိုင်းခြား၍ သိအပ်သောအရာ)

သမုဒယသစ္စာ--ဆင်းရဲခြင်းဖြစ်ကြောင်းအမှန်တရား ကိုသိခြင်း(တဏှာ လောဘကိုပယ်သတ်ရမည်ကို သိပ်သည်အရာ)

နိရောဓသစ္စာ--ဒုက္ခခပ်သိမ်း ချုပ်ငြိမ်းရာနိဗ္ဗာန်ကို သိခြင်း(မျက်မှောက်ပြုရမည်တရား)

မဂ္ဂသစ္စာ--ဒုက္ခခပ်သိမ်းချုပ်ငြိမ်းခြင်းကြောင်းသမုဒယကိုပယ်ကြောင်းအကျင့်အမှန်တရား(မဂ္ဂင်ရှစ်ပါး)

ဒုက္ခခပ်သိမ်းချုပ်ငြိမ်းလွတ်မြောက်ရာလမ်း(ပွားများရမည်တရား)စသည်တို့ ကိုသိမှတ်ကျင့်ကြံရမည်ဖြစ်သည် ။ထိုသို့ သိပြီး   ....သမ္မာဒိဌိ ...ကောင်းသောအယူ (အမြင်)

                      သမ္မာသင်္ကပ္ပ..ကောင်းသောအကြံ

                      သမ္မာဝါယာမ..ကောင်းစွာအားထုပ်ခြင်း

                      သမ္မာသတိ..ကောင်းစွာအောက်မေ့ခြင်း

                      သမ္မာသမာဓိ..ကောင်းစွာတည်ကြည်ခြင်း

                      သမ္မာဝါစာ..ကောင်းစွာပြောဆိုခြင်း

                      သမ္မာကမ္မန္တ..ကောင်းစွာပြုလုပ်ခြင်း

                      သမ္မအာဇီဝ..ကောင်းစွာအသက်မွေးခြင်းတို့ ကုို ပွားများအားထုပ်ခြင်းဖြစ်ပါသည် ။

ဤလမ်းကြောင်းတစ်ခုတည်းဖြင့် ဦးတည်၍ နိဗ္ဗာန်မျက်မှောက်ပြုရန် လျှောက်လှမ်းပါသည် ။

ထိုတစ်ခုတည်းသောလမ်းကြောင်းဖြင့် ရှေးသူတို့ သွားသည်အတိုင်း သွားသူ မသွားသူ လိုက်သူမလိုက်သူတို့ နှင် ပတ်သက်၍ ဂဏကမောဂ္ဂလာနပုဏ္ဍားက မြတ်စွာဘုရားရှင်ကို ဤသို့ လျှောက်ထားပါသည် ။ အို ဗုဒ္ဓအရှင်ဘုရား ဂေါတမ အရှင်၏ အဆုံးအမကို နာခံသူအားလုံးနိဗ္ဗာန်ရကြပါသလား၊အချို့ မရဘဲရှိကြပါသလား လို့ လျှောက်ထားပါတယ် ။

အချို့ ရ၏ အချို့ မရကြပါ အသင်ပုဏ္ဍား ဟုဖြေတော်မူ၏ ။

ဒါဖြင့်ရင်အရှင်ဘုရားထပ်လျှောက်ထားပါဦးမည် ။နိဗ္ဗာန်ကလည်းအထင်ရှားရှိ နိဗ္ဗာန်ရောက်ကြောင်းလမ်းကလည်းရှိ နိဗ္ဗာန်ရောက်ကြောင်းနည်ယူလမ်းပြ အရှင်ဂေါတမကလည်းရှိ ပါလျှက် ဘာကြောင်...အချိုနိဗ္ဗာန်ရ အချိုနိဗ္ဗာန်မရကြပါလဲ အရှင်ဘုရားဟု ထပ်မံလျှောက်တင်လိုက်ပါတယ် ။

ဒါဆိုရင်တော့ ငါဘုရား သင်ပုဏ္ဍားကိုပဲ ပြန်မေးရဦးမယ် ။သင်ကြိုက်သလိုပဲဖြေကြားကြည်ပါ ဟု မိန့် ကြားပြိး-အသင်ပုဏ္ဍား သင်ရာဇဂြိုလ်ပြည်ကိုသွားတဲ့လမ်းကို သိသလား   သိပါတယ်ဘုရား  သိရင် လူတစ်ယောက်က ရာဇဂြိုလ်ပြည်ကိုသွားတဲ့ လမ်းကိုညွန်ပြပေးပါလို့ မေးလာရင် ဘယ်ကနေ ဘယ်လို ဘယ်သို့ သွားညွန်းပြပြီးရောက်မည်နေရာသင်ပြောပြနိုင်လိမ်မည် ၊တစ်ဦးကသင်ညွန်းကြားရာမဟုတ်လမ်းလွှဲကိုလိုက်၍ ခရီးမပေါက်ရောက်ဘဲ နောက်သို့ ပြန်လာရတယ် ။

တစ်ဦးကတော့ သင်ညွန်သလို သွားလို့  ဆိုက်ဆိုက်မြိုက်မြိုက်  လိုရာရောက်တယ် ။အဲဒီတော့  ရာဇဂြိုပြည်သွားတဲ့လမ်းလည်း အထင်ရှားရှိ ညွန်ပြသူ သင်လည်းအထင်ရှားရှိလျှက် တစ်ယောက်ကရောက်ပြီး တစ်ယောက်ကမရောက်တာ ဘာကြောင့်လည်း အသင်ပုဏ္ဍား ဟုမေးလိုက်ပါတယ် ။ပုဏ္ဍားက အဲ့ဒါတော့တပည့်တော်ဘာတက်နိုင်မှာလဲ တပည့်တော်က လမ်းညွန်သာလျှင်ဖြစ်ပါတယ် ဟုပြန်လျှောက်ထားလိုက်လေသည် ။

အေးပုဏ္ဍား နိဗ္ဗာန်လည်းရှိ နိဗ္ဗာန်သို့ ရောက်ရန်သွားရမည် လမ်းလည်းရှိညွန်ကြားသူ ငါဘုရားလည်းရှိပါလျှက် တစ်ချို့ ရောက်ပြီး တစ်ချိုမရောက်တာက ငါဘုရားလည်း ဘာတက်နိုင်မှလဲ ငါဘုရားက နည်းပေး ညွန်းကြားသူဖြစ်ပါတယ် လို့  ဖြေတော်မူလိုက်ပါတယ် ။ထို ကြောင့်ကိစ္စတစ်ခုကိုလုပ်ဆောင်ရာ၌ လိုရာပြီးမြောက်ဖို့  လမ်းပြသူရှိပါသော်လည်း ကိုယ်တိုင်မလိုက်နာ မလုပ်ဆောင်ပါက လားရာဘက်မပါသော အရွှေ့ သဘောကဲ့သို့  အလုပ်ဖြစ်မည်မဟုတ်ပါ ။

လားရာဘက် ဦးတည်ချက်ရှိရာသို့  မှန်ကန်စွာ လွေ့ လျှားမှသာ အလုပ်ဖြစ်မည် ဖြစ်ပါသည် ။ဤတရားတော်  အမေးအဖြေက လှစ်ဟဖော်ထုပ်လိုက်ပေပြီ ။ဦးဇင်းတို့ လူသားများသည် လောကီလောကုတ်နှစ်ဖြာအလုပ်၌  ဦးတည်ချက်လားရာ မှန်ကန်ဖို့  ညွန်ကြားသူ လမ်းညွန်ချက်အတိုင်း သေသေချာချာ မိမိရရ လျှောက်လှမ်းကြမည် ဆိုပါလျှင် လားရာဖက်မပျောက်သဖြင့် လျှောက်သောလမ်းကို အမှန်ပင် ရောက်ကြပါလိမ်မည် ။ထိုအခါလိုရာ ပြီးမြောက်၍  ခရီးပေါက်ပါလိမ်မည် ၊လားရာဘက်မများစေရေး မမဲ့စေရေး အတွက်လျှောက်သောလမ်းကလေး စမ်းလးတဝါးဝါး မဖြစ်စေရန် မပျောက်ပျက်စေရန် ညွန်းဆိုလိုက်ရပါသည် ။                    

                                       ဘာဘဲလုပ်လုပ်

                                       ဘာပဲပြောပြော

                                      ဘာဘဲကြံကြံ

                                      လျှောက်သောလမ်းကလေး 

                                      မပျောက်စေချင်

                                     ဦးတည်ချက်မှန် လားရာမှန်၍

                                    လှမ်းအားသာရန်

                                    သတိရှေ့ ထားရွှေ့ လျားသွားရန်ပင် မဟုတ်ပါလား။

                                                                    ချမ်းသာကိုယ်စိတ်မြဲကြပါစေ ရွှေဖြူးလေး

မြတ်စွာဘုရားသည် မဂ်ဖိုလ်နိဗ္ဗာန်တရားထက် ...?

မြတ်စွာဘုရားရှင်တို့ သည် ဘုရားအဖြစ်သို့ ရောက်အောင်  လေးအသင်္ချေ နှင့်တစ်ကမ္ဘာတစ်သိန်း ၊ရှစ်အသင်္ချေ နှင့်ကမ္ဘာတစ်သိန်း ဆယ်ခြောက့်သင်္ချေ နှင့် ကမ္ဘာတစ်သိန်းကာလပတ်လုံး ပါရမီတို့ ကို ဖြည့်တော်မူခဲ့ရ၏ ။ ဘုရားဖြစ်တော်မူမည့် နောက်ဆုံးဘဝထိတိုင်အောင် စင်္ကြာဝတေးမင်း

စည်းစိမ်းကို ပင် လျစ်လျုရှူ၍ များစွားသော သားမယားမောင်းမမိဿံချွေရံသင်းပင် စည်းစိမ်းဥစ္စာတို့ ကိုစွန်လွတ် ၍ တောထွက်တော်မူခဲ့၏ ။ဒုက္ကရ စရိယာကျင့်ရ၏ ။ပြီးမှ မစ္ဇျိမပဋိပဒါ အကျင့်ဖြင့် 

ကိုယ်တိုင်မဂ်ဖိုလ်နိဗ္ဗာန်ကို မျက်မှောက်ပြုတော်မူရပေသည် ။ ထိုသို မျက်မှောက်ပြုပြီးသည်နှင့် တစ်ဆက်တည်း သဗ္ဗညုတညဏ်အစရှိသော ညဏ်တော်များကိုရ ၍ သဗ္ဗညုတဘုရားအဖြစ်သို့ ရောက်တော်မူလေသည် ။

ဗုဒ္ဓသည် ဇနက မဂ်ဖိုလ်နိဗ္ဗာန်သည် ဇည

ဗုဒ္ဓ၏ မဂ်ဖိုလ်နိဗ္ဗာန်သသည် မိမိကိုယ်တိုင်၏ဝီရိယ ညဏ်စွမ်းကြောင့်ရ၏ ။ဗုဒ္ဓသည်ဇနက ဖြစ်စေသူ မဂ်ဖိုလ်နိဗ္ဗာန်သည် ဇညဖြစ်စေအပ်သောအရာဟု ပရိယယယ်အားဖြင့် သုံးနှုန်းပြောဆိုခွင့်ရှိ၏ ။တနည်းအားဖြင့်လည်း ဗုဒ္ဓသည် ပဓာနပုဂ္ဂိုလ် မဂ်ဖိုလ်နိဗ္ဗာန်သည် အပဓာနအပိုင်းဟု ဆိုနိုင်၏ ။

ဗုဒ္ဓသည် မဂ်ဖိုလ်နိဗ္ဗာန်ထက် မြတ်သည် 

ထိုကြောင့် ဇနက ပဓာနပိုင်ရှင်ဖြစ်သော မြတ်စွာဘုရားသခင်သည်  ဇည၊ အပဓာနပိုင်ပစ္စည်းဖြစ်သော မဂ်ဖိုလ်နိဗ္ဗာန်မြတ်သည် ပရိယာယ်အားဖြင့်ဆိုခွင့်ရှိပါသည် ။

မဂ္ဂါနဋ္ဌင်္ဂိကော သေဋ္ဌော၊ သစ္စာနံ စတုရော ပဒါ။

ဝိရာဂေါ သေဋ္ဌော ဓမ္မာနံ၊ ဒွိပဒါနဉ္စ စက္ခုမာ။ (ဓမ္မပဒ၊ ပါ ၊ဂါထာ ၂၇၃)

ပကတိလမ်းခရီး၊၆၂ ပါးသော မိစ္ဆာဒိဌိတည်းဟူသောအပါယ်သံသရာခရီးလမ်းတို့ ထက် အင်္ဂါရှစ်ပါးရှိသော မဂ်လမ်းခရီးသည် အမြတ်ဆုံးဖြစ်၏၊ ဝစီသစ္စာ သမုတိသစ္စာ၊ပရမတ္ထသစ္စာအားလုံးတို့ ထက်၊ အရိယသစ္စာလေးပါးသည် အမြတ်ဆုံးဖြစ်၏၊ သင်္ခတအသင်္ခတသဘောတရားအားလုံးတို့တွင် ရာဂကင်းရာ နိဗ္ဗာန်သည် အမြတ်ဆုံးဖြစ်၏၊ တရားအားလုံးတို့ ထက်၎င်း၊သတ္တဝါအားလုံးတို့ ထက်၎င်း အခြေနှစ်ချောင်းရှိသော သတ္တ၀ါအားလုံးတို့တွင် မျက်စိငါးပါးရှိတော်မူသော မြတ်စွာဘုရားသည် အမြတ်ဆုံးဖြစ်၏။ဟုဟောတော်မူသောကြောင့်မြတ်စွာဘုရားရှင်သည် မဂ်ဖိုလ်နိဗ္ဗာန်ထက်မြတ်၏ဟူ၍ ဓမ္မပဒ၊အဌကထာနှင့်အဘိဓာန်ဋီကာ ဗုဒ္ဓပရိယာအဖွင့်၌ ဆိုတော်မူသည် ။

မြတ်စွာဘုရားသည် တရားတော်ကိုပူဇော်၏
 မြတ်စွာဘုရားသည် တရားတော်ကို အမြဲမှီဝဲပွားများသော ဘာဝနာသေဝန၏အစွမ်းဖြင့်မြတ်စွာဘုရားသည် တရားတော်ကိုပူဇော်၏ ။တခါတစ်ရံ သုတ္တန်ပါဠိတော်များကိုပင် နာယူတော်မူ၏ ။ဖလသမာပတ် နိရောဓသမာပတ်တို့ ကို အမြဲ ဝင်စားတော်မူ၏ ။`ဤအရာ၌ တရားတော်ကို အလေးဂရုပြုခြင်း အရိုသေပြုခြင်းမြတ်နိုးတော်မူခြင်းတို့ ကိုပင် ပူဇော်ခြင်းဟု ဆိုပေသည် ။
ဝက္ကလိရဟန်းအားဆုံးမရာ၌ ပင်-
ယော   ခေါ ဝက္ကလိ ဓမ္မံ ပဿတိ၊ သောမံ ပဿသိ။ စသည်...
တရားကိုမြင်သောသူသည် ငါဘုရားကိုမြင်၏ ၊ဖူး၏ ၊ပူဇော်၏။အလေးမြတ်ပြု၏ ဟု ဟောတော်မူ၏ ။ထိုပြင်မဟာပရိနိဗ္ဗာနသုတ်တော်တွင် အရှင်အာနန္ဒာအား ဤသိုဟောတော်မူ၏ ။

ယောဝေါ အာနန္ဒ၊ မယာဓမ္မောစ ဝိနယောစ။

ဒေသိတော ပညတ္တော၊သောဝေါမမစ္စယေနသတ္ထာ။

ချစ်သားအာနန္ဒ ငါဘုရားရှင်သည် သုတ် အဘိဓမ္မာတရားကိုလည်း ဟောကြားထားပြီးပြီ ။ဝိနည်းတရားကိုလည်း ပညတ်ထားပြီးပြီ ။ထိုသုတ်အဘိဓမ္မာ ဝိနည်းတရားတော်သည် ငါဘုရားပရိနဗ္ဗာန်စံပြီးသည်နောက်  သင်တို့ ၏ ဆရာ(ဘုရား)ဖြစ်ရစ်လိမ်မည် ။ဤတွင် ပရိယတ်တရားတော်းများကို မိမိကိုယ်စားအဖြစ်မိန့် တော်မူပါသည် ။၎င်းပဠိတော်စကားမြတ်တို့ ကို ထောက်ရှူပါက ဘုရားရှင်သည် မဂ်ဖိုလ် နိဗ္ဗာန် တရားထက်မြတ်သည် ။မဂ်ဖိုလ်နိဗ္ဗာန်သည်ဘုရားထက်မြတ်သည်ဟု မဆိုသာ ။ထပ်တူ ထားရမည့်ကဲ့သို ရှိလေသည် ။ဤသို့ လျှင်ပြဆိုခဲ့သည်နည်းအတိုင်း ပရိယာယ်အားဖြင့် မြတ်စွားဘုရားသည် မဂ်ဖိုလ်နိဗ္ဗာန် တရားထက်မြတ်သည်ဟု ဆိုသင့်သည်ထင်ပါသည်။ (စာကိုးx မုံရွှာမြို့  အရှေ့လည်တီတိုက် ပဓာနနာယကဆရာတော် ဘုရား၏ မဟာသုတဒီပနီကျမ်း)

                                                     ချမ်းသာကိုယ်စိတ်မြဲကြပါစေ
                                                                 ရွှေဖြူးလေး

အာဒိတ္တပရိယာယသုတ် ပါဠိတော်မြန်မာပြန်

 မြတ်စွာဘုရားသည် ဥရုဝေလတော၌ မွေ့လျော်တော်မူသရွေ့ သီတင်းသုံးနေတော်မူပြီး လျှင် ဂယာသီသအရပ်သို့ အလုံးစုံသော ရသေ့ဟောင်းချည်းဖြစ်ကုန်သော များစွာသော တစ်ထောင်သော ရဟန်းသံဃာ နှင့်အတူ ကြွသွားတော်မူ၏။

မြတ်စွာဘုရားသည် ထိုဂယာရွာ၏အနီး ဂယာသီသအရပ်၌ တစ်ထောင်သော ရဟန်းသံဃာနှင့်အတူ သီတင်းသုံးနေတော်မူ၏။ ထိုသို့ သီတင်းသုံးနေတော်မူသောအခါ မြတ်စွာဘုရားသည် ရဟန်းတို့ကို-

''ရဟန်းတို့ အလုံးစုံသော တရားသည် ပြောင်ပြောင်တောက်လောင်၏၊ ရဟန်းတို့ အဘယ်မည်သော အလုံးစုံသော တရားသည် ပြောင်ပြောင်တောက်လောင်သနည်း၊ မျက်စိသည် ပြောင်ပြောင်တောက် လောင်၏၊ အဆင်းတို့သည် ပြောင်ပြောင်တောက်လောင်ကုန်၏၊ မျက်စိအသိသည် ပြောင်ပြောင်တောက် လောင်၏၊ မျက်စိအတွေ့သည် ပြောင်ပြောင်တောက်လောင်၏။

မျက်စိအတွေ့ဟူသော အကြောင်းကြောင့် ဖြစ်ပေါ်လာသော ချမ်းသာသော ခံစားမှုသည်လည်းကောင်း ဆင်းရဲသော ခံစားမှုသည်လည်းကောင်း မဆင်းရဲမချမ်းသာသော ခံစားမှုသည်လည်းကောင်း ပြောင်ပြောင် တောက်လောင်၏။

အဘယ်ဖြင့် ပြောင်ပြောင်တောက်လောင်သနည်း၊ စွဲမက်မှု 'ရာဂ' မီးဖြင့် အမျက်ထွက်မှု 'ဒေါသ' မီးဖြင့် တွေဝေမှု 'မောဟ' မီးဖြင့် ပြောင်ပြောင်တောက်လောင်၏၊ ပဋိသန္ဓေနေရခြင်း အိုရခြင်း သေရခြင်း ပူပန်ရခြင်း ငိုကြွေးရခြင်း ဆင်းရဲရခြင်း နှလုံးမသာရခြင်း ပြင်းစွာပူဆွေးရခြင်းတို့ဖြင့် ပြောင်ပြောင်တောက် လောင်၏ဟု ဟောတော်မူ၏။

နားသည် ပြောင်ပြောင်တောက်လောင်၏။ အသံတို့သည် ပြောင်ပြောင်တောက်လောင်ကုန်၏။ စွဲမက်မှု 'ရာဂ' မီးဖြင့် အမျက်ထွက်မှု 'ဒေါသ' မီးဖြင့် တွေဝေမှု 'မောဟ' မီးဖြင့် ပြောင်ပြောင်တောက်လောင်၏၊ ပဋိသန္ဓေနေရခြင်း အိုရခြင်း သေရခြင်း ပူပန်ရခြင်း ငိုကြွေးရခြင်း ဆင်းရဲရခြင်း နှလုံးမသာရခြင်း ပြင်းစွာပူဆွေးရခြင်းတို့ဖြင့် ပြောင်ပြောင်တောက် လောင်၏ဟု ဟောတော်မူ၏။နှာခေါင်းသည် ပြောင်ပြောင်တောက်လောင်၏။ အနံ့တို့သည် ပြောင်ပြောင်တောက်လောင်ကုန်၏။စွဲမက်မှု 'ရာဂ' မီးဖြင့် အမျက်ထွက်မှု 'ဒေါသ' မီးဖြင့် တွေဝေမှု 'မောဟ' မီးဖြင့် ပြောင်ပြောင်တောက်လောင်၏၊ ပဋိသန္ဓေနေရခြင်း အိုရခြင်း သေရခြင်း ပူပန်ရခြင်း ငိုကြွေးရခြင်း ဆင်းရဲရခြင်း နှလုံးမသာရခြင်း ပြင်းစွာပူဆွေးရခြင်းတို့ဖြင့် ပြောင်ပြောင်တောက် လောင်၏ဟု ဟောတော်မူ၏။ လျှာသည် ပြောင်ပြောင်တောက်လောင်၏။ အရသာတို့သည် ပြောင်ပြောင်တောက်လောင်ကုန်၏။စွဲမက်မှု 'ရာဂ' မီးဖြင့် အမျက်ထွက်မှု 'ဒေါသ' မီးဖြင့် တွေဝေမှု 'မောဟ' မီးဖြင့် ပြောင်ပြောင်တောက်လောင်၏၊ ပဋိသန္ဓေနေရခြင်း အိုရခြင်း သေရခြင်း ပူပန်ရခြင်း ငိုကြွေးရခြင်း ဆင်းရဲရခြင်း နှလုံးမသာရခြင်း ပြင်းစွာပူဆွေးရခြင်းတို့ဖြင့် ပြောင်ပြောင်တောက် လောင်၏ဟု ဟောတော်မူ၏။ ကိုယ်သည် ပြောင်ပြောင်တောက်လောင်၏။

ကိုယ်အတွေ့တို့သည် ပြောင်ပြောင်တောက်လောင်ကုန်၏။ စွဲမက်မှု 'ရာဂ' မီးဖြင့် အမျက်ထွက်မှု 'ဒေါသ' မီးဖြင့် တွေဝေမှု 'မောဟ' မီးဖြင့် ပြောင်ပြောင်တောက်လောင်၏၊ ပဋိသန္ဓေနေရခြင်း အိုရခြင်း သေရခြင်း ပူပန်ရခြင်း ငိုကြွေးရခြင်း ဆင်းရဲရခြင်း နှလုံးမသာရခြင်း ပြင်းစွာပူဆွေးရခြင်းတို့ဖြင့် ပြောင်ပြောင်တောက် လောင်၏ဟု ဟောတော်မူ၏။စိတ်သည် ပြောင်ပြောင်တောက်လောင်၏။ စိတ်၏ အာရုံတို့သည် ပြောင်ပြောင်တောက်လောင်ကုန်၏။ စိတ်အသိသည် ပြောင်ပြောင်တောက်လောင်၏။ စိတ်အတွေ့သည် ပြောင်ပြောင်တောက်လောင်၏။ စိတ်အတွေ့ဟူသော အကြောင်းကြောင့် ဖြစ်ပေါ်လာသော ချမ်းသာသော ခံစားမှုသည်လည်းကောင်း ဆင်းရဲသော ခံစားမှုသည်လည်းကောင်း မဆင်းရဲမချမ်းသာသော ခံစားမှုသည်လည်းကောင်း ပြောင်ပြောင် တောက်လောင်၏။ အဘယ်ဖြင့် ပြောင်ပြောင်တောက်လောင်သနည်း၊ စွဲမက်မှု 'ရာဂ' မီးဖြင့် အမျက်ထွက်မှု 'ဒေါသ' မီးဖြင့် တွေဝေမှု 'မောဟ' မီးဖြင့်ပြောင်ပြောင်တောက်လောင်၏၊ ပဋိသန္ဓေနေရခြင်း အိုရခြင်း သေရခြင်း ပူပန်ရခြင်း ငိုကြွေးရခြင်း ဆင်းရဲရခြင်း နှလုံးမသာရခြင်း ပြင်းစွာပူဆွေးရခြင်းတို့ဖြင့် ပြောင် ပြောင်တောက်လောင်၏ဟု ဟောတော်မူ၏။

ရဟန်းတို့ ဤသို့ ရှုသော အကြားအမြင်များသော ငါဘုရား၏ တပည့်သည် မျက်စိ၌လည်း ငြီးငွေ့၏။ အဆင်းတို့၌လည်း ငြီးငွေ့၏။ မျက်စိအသိ၌လည်း ငြီးငွေ့၏။ မျက်စိအတွေ့၌လည်း ငြီးငွေ့ ၏။မျက်စိအတွေ့ဟူသော အကြောင်းကြောင့် ဖြစ်ပေါ်လာသော ချမ်းသာသော ခံစားမှု၌လည်းကောင်း၊ ဆင်းရဲသော ခံစားမှု၌လည်းကောင်း မဆင်းရဲ မချမ်းသာသော ခံစားမှု၌လည်းကောင်း ငြီးငွေ့၏။

နား၌လည်း ငြီးငွေ့၏။ အသံတို့၌လည်း ငြီးငွေ့၏။နားအတွေ့ဟူသော အကြောင်းကြောင့် ဖြစ်ပေါ်လာသော ချမ်းသာသော ခံစားမှု၌လည်းကောင်း၊ ဆင်းရဲသော ခံစားမှု၌လည်းကောင်း မဆင်းရဲ မချမ်းသာသော ခံစားမှု၌လည်းကောင်း ငြီးငွေ့၏။

နှာခေါင်း၌လည်း ငြီးငွေ့၏။ အနံ့တို့၌လည်း ငြီးငွေ့၏။။နှာခေါင်းအတွေ့ဟူသော အကြောင်းကြောင့် ဖြစ်ပေါ်လာသော ချမ်းသာသော ခံစားမှု၌လည်းကောင်း၊ ဆင်းရဲသော ခံစားမှု၌လည်းကောင်း မဆင်းရဲ မချမ်းသာသော ခံစားမှု၌လည်းကောင်း ငြီးငွေ့၏။

လျှာ၌လည်း ငြီးငွေ့၏။ အရသာတို့၌လည်း ငြီးငွေ့၏။။လျှာအတွေ့ဟူသော အကြောင်းကြောင့် ဖြစ်ပေါ်လာသော ချမ်းသာသော ခံစားမှု၌လည်းကောင်း၊ ဆင်းရဲသော ခံစားမှု၌လည်းကောင်း မဆင်းရဲ မချမ်းသာသော ခံစားမှု၌လည်းကောင်း ငြီးငွေ့၏။

ကိုယ်၌လည်း ငြီးငွေ့၏။ ကိုယ်အတွေ့၌လည်း ငြီးငွေ့၏။ကိုယ်အတွေ့ဟူသော အကြောင်းကြောင့် ဖြစ်ပေါ်လာသော ချမ်းသာသော ခံစားမှု၌လည်းကောင်း၊ ဆင်းရဲသော ခံစားမှု၌လည်းကောင်း မဆင်းရဲ မချမ်းသာသော ခံစားမှု၌လည်းကောင်း ငြီးငွေ့၏။

စိတ်၌လည်း ငြီးငွေ့၏။ စိတ်၏ အာရုံတို့၌လည်း ငြီးငွေ့၏။ စိတ်အသိ၌လည်း ငြီးငွေ့၏။ စိတ်အတွေ့၌လည်း ငြီးငွေ့၏။ စိတ်အတွေ့ဟူသော အကြောင်းကြောင့် ဖြစ်ပေါ်လာသော ချမ်းသာသော ခံစားမှု၌လည်းကောင်း၊ ဆင်းရဲသော ခံစားမှု၌လည်းကောင်း၊ မဆင်းရဲမချမ်းသာသော ခံစားမှု၌လည်းကောင်း ငြီးငွေ့၏၊ ငြီးငွေ့သော သူသည် (ငြီးငွေ့သည်ရှိသော်) မစွဲမက်၊ မစွဲမက်ခြင်းကြောင့် ကိလေသာမှ လွတ်၏၊ ကိလေသာမှ လွတ်ပြီးသော် ကိလေသာမှ လွတ်ပြီဟု အသိဉာဏ် ဖြစ်၏၊ ပဋိသန္ဓေနေမှုကုန်ပြီ၊ မြတ်သော အကျင့်ကို ကျင့်သုံးအပ်ပြီ၊ မဂ်ကိစ္စကို ပြုအပ်ပြီ၊ ဤမဂ်ကိစ္စ အကျိုးငှါ တစ်ပါးသော ပြုဖွယ် မရှိတော့ပြီဟု သိ၏။

ဤဂါထာမဖက် သက်သက်သော ဒေသနာတော်ကို ဟောတော်မူသည်ရှိသော် ထိုတစ်ထောင်သော ရဟန်းတော်တို့၏ စိတ်တို့သည် (တစ်စုံတစ်ခုကိုမျှ) မစွဲလမ်းမူ၍ အာသဝေါတရားတို့မှ လွတ်ကြလေကုန် သတည်း။

သေခြင်းတရားက ...?

ဗုဒ္ဓဘာသာတွင် လက်ခံထားသော သေခြင်း (၄)မျိုး ရှိ၏။

(၁) အသက်တမ်းကုန်၍ သေခြင်း။
(၂) ကံစွမ်းကုန်၍ သေခြင်း။
(၃) အသက်တမ်း၊ ကံစွမ်း နှစ်ပါးကုန်၍ သေခြင်း။
(၄) ဥပစ္ဆေဒကကံဖြင့် သေခြင်း။

သတ္တဝါတို့မှာ ဤသေခြင်း ၄-မျိုးအနက် တစ်မျိုးမျိုးဖြင့် သေကြရ၏။

ထိုသို့ သေကြသောအခါ သေခါနီး၌ ‘ကံ’၊ ‘ကမ္မနိမိတ်’၊ ‘ဂတိနိမိတ်’ သုံးမျိုးအနက် တစ်ခုခု ပေါ်၏။

(၁)ကံ = နောက်ဘဝမှာ ပဋိသန္ဓေအကျိုးပေးတော့မည့် ရှေးတုန်းက ပြုခဲ့သော
(မသေမီ ယခုဘဝတွင် ပြုခဲ့သော ကံများလည်း ဖြစ်နိုင်၏) ကုသိုလ်ကံ, အကုသိုလ်ကံ။
ဤကံသည် အတိတ်က ဖြစ်ခဲ့သော အာရုံဖြစ်၍ မနောဒွါရ၌ ထင်၏။

(၂)ကမ္မနိမိတ် = ကံပြုစဉ် တွေ့ကြုံရသော အာရုံခြောက်ပါး။
(ဥပမာ – ကျောင်းဆောက်ရာ၌ သင်္ကန်းအလှူ, ဆွမ်းအလှူ စသည်)တို့ထင်ပေါ်တတ်၏။
အာရုံခြောက်ပါးလုံး၌ ဖြစ်၍ ထိုက်သည့်အားလျော်စွာ ဒွါရခြောက်ပါး၌ ထင်၏။


(၃)ဂတိနိမိတ် = အနာဂတ်ရောက်ရမယ့်ဘဝ တွေ့ကြံရလတံ့သော အာရုံ။
(ဥပမာ – အမိဝမ်းရေ၊ ငရဲဘုံ), “ထိုရောက်မည့်အရပ်တွင် တွေ့ကြုံခံစားရမည့် အရာများ”

(ဥပမာ – လင်းတ၊ ခွေး၊ ငရဲမီး၊ ငရဲထိန်း၊ နတ်သား၊ နတ်သမီး)ပေါ်တတ်၏။

ပဋိသန္ဓေအကျိုးပေးတော့မည့် ကံ ၊ ကံမ္မနိမိတ် နှင်. ဂတိနမိတ် တို.သည် မသေမီ ဘ၀မှ မဟုတ်ဘဲ
ရှေးရှေးဘ၀များစွာက လည်း ကံ ၊ ကံမ္မနိမိတ် နှင်. ဂတိနမိတ် တို.လည်း ဖြစ်နိူင်ပါသည်။
(အကျယ်ကို ကံမ္မဖလသုတ်တော်တွင် ဖတ်ရှုနိူင်သည်)

ထိုသို.တစ်ဘ၀၏ နောက်ဆုံးစိတ်(စုတိစိတ်)ဖြစ်ပြီးနောက် အခြားမရှိ နောက်ဘ၀တွင် ပဋိသန္ဓေစိတ် ဖြစ်သည်။

အခြားမရှိဆိုသည်မှာ တဆက်တစပ်ထဲဖြစ်သည်ကိုဆိုလိုသည်။

သေခြင်းနှင်.ပတ်သတ်၍ ဗုဒ္ဓ ဘာသာ များ အထူးသိရန် ဒိဋ္ဌိ နှစ်ပါးကို အောက်တွင် ဖော်ပြထားပါသည်။
သဿတဒိဋ္ဌိ ဥစ္ဆေဒဒိဋ္ဌိ နှစ်ရပ်သည် ရုပ်နာမ်အပေါ်၌ အတ္တစွဲလမ်းမှုကို အရင်းခံ၍ ဖြစ်၏။

“ရှေးဘဝက အတ္တဖြစ်သော ရုပ် သို့မဟုတ် နာမ်သည်ပင် ဘဝသစ်၌ ဆက်လက်ပါလာ၏”

ဟု ယူလျှင် “သတ္တဝါသည် မပြတ်မစဲ မြဲ၏”ဟု ယူသော သဿတအယူဘက်သို့ ပါဝင်၏။

“ရှေးဘဝက အတ္တဖြစ်သော ရုပ်နာမ်ဟူသမျှနှင့် လုံးဝ အဆက်အသွယ် မရှိ ပြတ်၏”ဟု ယူလျှင်

ဥစ္ဆေဒအယူဘက်သို့ သက်ဝင်ပြန်၏။

ထိုဒိဋ္ဌိနှစ်မျိုးမှ ကင်းလွတ်ဖို့ရာ “ရှေးဘဝက အကြောင်းနှင့်လည်း မကင်းတတ်၊

တိုက်ရိုက်ပါလာခြင်းလည်း မရှိ” ဟုသာ ယူရာ၏။

ဘဝသစ်၌ ပဋိသန္ဓေဝိညာဏ်သည် ဘဝဟောင်းက ရုပ်နာမ်များ တိုက်ရိုက် ပြောင်းရွှေ့လာခြင်း
မဟုတ်။ ဘဝဟောင်းက အကြောင်းများနှင့်လည်း မကင်းနိုင်။

တောင်အနီး၌ ဟစ်အော်သော အသံသည် တောင်နံရံကို တိုက်ခိုက်မိသောအခါ ‘ပဲ့တင်သံ’
ပြန်ထွက်လာသကဲ့သို့တည်း။ပဲ့တင်သံသည် မူလအော်သံလည်း မဟုတ်။ မူလအော်သံနှင့်
ကင်းလျက်လည်း မဖြစ်နိုင်။

ထို့အတူ ပဋိသန္ဓေဝိညာဏ်သည် ဘဝဟောင်းက ရုပ်နာမ်အဆက်လည်း မဟုတ်၊

ဘဝဟောင်းက အဝိဇ္ဇာ တဏှာ သင်္ခါရ အကြောင်းများနှင့်လည်း မကင်းနိုင်။

ဆီမီးတစ်ခုမှ ဆီမီးကူးညှိရာ၌ ဒုတိယမီးသည် ပထမဆီမီး၏ အဆက်လည်း မဟုတ်၊

ပထမဆီမီးနှင့်လည်း မကင်းနိုင်ပုံ၊
တံဆိပ်နှိပ်ရာ၌ တံဆိပ်ရာသည် မူလတံဆိပ်၏ အဆက်လည်း မဟုတ်၊
မူလတံဆိပ်နှင့်လည်း မကင်းနိုင်ပုံကို ဥပမာဆောင်၍ ပြကြသည်။

ကိုးကား(သဂြိုဟ်ဘာသာဋီကာ၊ အရှင်ဇနကာဘိဝံသ)
    ချမ်းသာကိုစိတ်မြဲ ကြပါစေ ရွှေဖြူးလေး

မလိုလောဘ ယူမရ

ရှေးလွန်ခဲ့ပြီးတခုသောဘ၀တွင် ဇောတိကအလောင်းသည် ကြံခင်းပိုင်ရှင် ဖြစ်ခဲ့၏။ တနေ့သ၌ ကြံတချောင်းကို ယူလာရာ လမ်းတွင် ဆုံမိသော ရှင်ပစ္စေကဗုဒ္ဓါတပါးကို လှူလိုက်၏။ ထိုကောင်းမှုကြောင့် နတ်ပြည်၌ အကြိမ်ကြိမ် ခံစားပြီးနောက် ၀ိပဿီမြတ်စွာဘုရား ပွင့်တော်မူသောအခါ သူဌေးကြီးဖြစ်ပြီး ရတနာခုနစ်ပါးဖြင့်ပြီးသောရတနာခုနစ်ပါးအပြည့်ခင်းထားသော ကျောင်းတော်ကြီး ဆောက်လှူ၏။
 ကျောင်းသို့ ရောက်လာသူတိုင်းကို အလိုရှိသမျှ ယူသွားစေ၏။ ထိုအတွင်း ပုဏ္ဏားတယောက်သည် ဘုရားခြေတော်ရင်းက ပတ္တမြားကို ခိုးယူပြီး ၀ှက်ထားသည်ကို မြင်သောအခါ စိတ်မကောင်းဖြစ်ရ၏။ မြတ်စွာဘုရားထံ ချဉ်းကပ်၍ နောင်ဘ၀ အဆက်ဆက် ဘုရားတပည့်တော်၏ ပစ္စည်းမှန်လျှင် ချည်မျှင်တမျှင်မျှ မယူနိုင်ပါစေသတည်း-ဟု ဆုတောင်းသည်။
ထိုအခါ ဘုရားရှင်က ခွင့်ပြုတော်မူ၏။

ရှင်တော်ဂေါတမ လက်ထက်တွင် အလွန်ကြွယ်ဝချမ်းသာသော သူဌေးကြီးဖြစ်လာပြန်၏။ မြတ်ဗုဒ္ဓ သီတင်းသုံးရန်အတွက် ကျောင်းဆောက်ရန် မြေရှာ၍ ပြုပြင်ရာ သိကြားမင်းသည် လက်သမားအသွင် ဖန်ဆင်း၍ သူဌေးထံ ချဉ်းကပ်လာ၏။ ဤတွင် မြေပြုပြင်ရေး၊ အစစ လိုလေသေးမရှိ စီမံရေး၊ ကျောင်းဆောက်ရေးတို့ကို စီစဉ်၍ ပြီးစေ၏။ ပြီးလျှင် ရတနာခုနစ်ပါးနှင့် ပြည့်စုံသော ဘုံခုနစ်ဆင့် ပြသာဒ်နှင့်တကွ ရတနာအမျိုးမျိုးဖြင့် စီခြယ်ထားသော အမိုးအကာ၊ နံရံ တံခါး လှေကား စသည်တို့ကို လိုလေသေးမရှိ ထူးခြားအံ့သြဘွယ် ဖြစ်ပေါ်စေ၏။ တနေ့သ၌ ဇောတိက၏ကျောင်းကို ကြည့်ရန် ကျောင်းတော်သို့ ဗိမ္ဗိသာရမင်းကြီး ရောက်လာ၏။ သားတော် အဇာတသတ်မင်းသားငယ်ကိုလည်း လက်ဆွဲလျက် ခေါ်လာခဲ့၏။ သားတော်သည် ချက်ချင်းအကြံပေါ်လာ၏။ ငါ၏ခမည်းတော်သည် ညံ့လှချေတကား၊ သူဌေးဆိုသူက ရတနာပြာသာဒ်နှင့် နေနိုင်ပါလျက် တို့ကတော့ သစ်သားနန်းတော်ဖြင့်သာ နေနိုင်၏။ ငါသာ မင်းဖြစ်ခဲ့လျှင် ဤအဆောက်အအုံကို သိမ်းယူမည်-ဟု စိတ်ကူးမိသည်။

အဇာတသတ်မင်းသားသည် ဖခင်မင်းကြီးကို သတ်ပြီးသောအခါ စစ်သည်ဗိုလ်ပါ စုဆောင်း၍ ဇောတိက နေအိမ်ကို တိုက်ခိုက်ရန် ရောက်လာ၏။ ဤတွင် အရပ်လေးမျက်နှာ၌ နတ်ဘီလူးများ ကာကွယ်စောင့်ရှောက်နေသဖြင့် တံတိုင်းအနီးသို့ပင် ကပ်ရန် မတတ်နိုင်ပေ။ စိတ်ပျက်နေသော အဇာတသတ်သည် စစ်ရှုံး၍အပြန်တွင် ဝေဠုဝန်ကျောင်းတော်သို့ဝင်ရာ ဇောတိကသူဌေးကို တွေ့ရသဖြင့် အမျက်ဒေါသ ဖြစ်သွားသည်။ သင်သည် သူတော်ကောင်းယောင်ဆောင်၍ ဘုရားအနားကပ်နေ၏။ သင့်စစ်သည်များကို ငါ့စစ်သည်များနှင့် တိုက်ခိုက်ရန် စီမံထားခဲ့သည်မဟုတ်လော-ဟု စွပ်စွဲ၏။ ဇောတိကသည် သူမရှိမီ သူ့အိမ်ကို တိုက်ခိုက်ရန် အဇာတသတ်မင်း သွားသည်ကို ရိပ်မိလိုက်၏။ သူဌေးက အဇာတသတ်မင်းကို-

အရှင် ကျွန်တော်မျိုး သဘောမတူလျှင် ကျွန်တော်မျိုးပိုင်သောပစ္စည်း ချည်မျှင်တမျှင်မျှပင် ယူရန် မတတ်နိုင်ပါ။ ယခု ကျွန်တော်မျိုး ၀တ်ထားသော လက်ဝတ်ရတနာ စသည်တို့ကို အရှင်လိုချင်လျှင် ဖြုတ်ယူကြည့်ပါ-ဟုပြော၏။ အဇာတသတ်မင်းသည် အဖိုးမဖြတ်နိုင်သော လက်စွပ် ကျောက် စသည်တို့ကို အားရှိသမျှ အတင်းကြိုးစားဖြုတ်ယူရာ ချွေးဒီးဒီးပင် ကျလာသည်။ သို့သော်လည်း ဇောတိကလက်ပေါ်ရှိ ပစ္စည်းများကား ရွေ့လျား၍ပင် မလာပေ။ ထို့နောက် အဇာတသတ်မင်းကိုကြည့်၍ လက်စွပ်အားလုံး ယူလိုလျှင် လက်ဝါးဖြန့်တော်မူပါ-ဟု ပြောပြီး သူ၏ လက်ကိုလှုပ်ခါချလိုက်ရာ လက်စွပ်များ အလွယ်ကူ လျှောကျကုန်သည်။ ထိုအခါ ဇောတိကသူဌေးသည် လောကကြီး၌ နေထိုင်ရန်ငြီးငွေ့သဖြင့် မြတ်စွာဘုရားထံ ခွင့်ပန်ပြီး ရဟန်းပြုသည်။ ထို့နောက် တရားအားထုတ်ရာ မကြာမီ ရဟန္တာအဖြစ် ရောက်တော်မူလေသည်။ ရဟန္တာဖြစ်သည်နှင့် တပြိုင်နက် သူဌေး၏ ကြီးကျယ်ဆန်းကြယ်သော ဗိမာန်ကြီးနှင့် ခြွေရံသင်းပင်း ဆင်မြင်း ကျွဲနွား ရထား ဥယျာဉ် စည်းစိမ်တို့သည် အားလုံးပျောက်ကွယ်ကြလေသည်။ သီတင်းသုံးဖော် ရဟန်းများက သင်၏ စည်းစိမ် ဥစ္စာ ရတနာအလုံးစုံကို သတိရပါသေးသလား-ဟု မေးသောအခါ ဘုရားရှင်က ငါ၏ သားတော် ဇောတိကသည် အရဟတ္တဖိုလ်သို့ ရောက်ပြီးဖြစ်၍ တဏှာ လောဘ သံယောဇဉ် အားလုံး ကင်းရှင်းလေပြီ-ဟု ပြောကာ အောက်ပါဂါထာကို ဟောတော်မူလေ၏။

( ပါဠိဂါထာ )
ယောဓ တဏှံ ပဟန္တွာန ၊ အနာဂါရော ပရိဗ္ဗဇေ ။
တဏှာဘ၀ ပရိက္ခီဏံ ၊ တမဟံ ဗြူမိ ဗြာဟ္မဏံ ။ ( ၄၁၇ )

( မြန်မာပြန် )
ဤလောက၌ အကြင်ပုဂ္ဂိုလ်သည် လူ့ဘောင်ကို စွန်ခွါ၍ရဟန်း ပြုလာ၏။
တဏှာကုန်ခန်းလေပြီးဖြစ်သော ထိုသူကို ဗြာဟ္မဏ (သူတော်စင်) ဟူ၍ ငါဘုရား ဟောတော်မူ၏။

( လင်္ကာ )
လူများဖြစ်ပွား၊ နှောင်ဖွဲ့များကို၊ ပယ်ရှားစွန့်ခွါ၊
နတ်မှာဖြစ်ပွား၊ စည်းစိမ်များကို၊ ကျော်လွှား၍သာ၊ လွန်မြောက်လာလျက်၊
လေးဖြာယောဂ၊ ကင်းလွတ်ကမူ၊ ထိုသူကိုသာ၊ ငါက ဗြာဟ္မဏ၊ ခေါ်မြွက်ဟ၏။

( ဗြာဟ္မဏ၀ဂ် ဇောတိကတ္ထေရ၀တ္ထု )......

စိတ္တသံယုတ်လာ ဂိလာနဒဿနသုတ် ပါဠိတော်မြန်မာပြန်

စိတ္တသူကြွယ်သည် အနာရောဂါနှိပ်စက်ရကား ဆင်းရဲခြင်းသို့ ရောက်လျက်သည်းထန်စွာ မကျန်းမမာ ဖြစ်နေ၏။ ထိုအခါ များစွာကုန်သော အရံစောင့်နတ်၊ တောစောင့်နတ်၊ သစ်ပင်စောင့်နတ်၊ ဆေးပင် မြက်ပင် တောစိုးပင်တို့၌ စိုးအုပ်ကုန်သော နတ်တို့သည် စည်းဝေးလာရောက်၍ စိတ္တသူကြွယ်အား ''သူကြွယ် 'အနာဂတ်ကာလ၌ စကြဝတေးမင်း ဖြစ်လို၏ 'ဟု တောင့်တပါလော့''ဟုဆိုကုန်၏။

ဤသို့ ဆိုသော် စိတ္တသူကြွယ်သည် ထိုအရံစောင့်နတ်၊ တောစောင့်နတ်၊ သစ်ပင်စောင့်နတ်၊ ဆေးပင်မြက်ပင် တောစိုးပင်တို့၌ စိုးအုပ်ကုန်သော နတ်တို့အား ''

မဇ္ဈိမပဏ္ဏာသပါဠိတော်မြန်မာပြန် ဗောဓိမင်းသားသုတ်တော်မှ

မင်းသား - ငါသည်ညဥ့်၏ နောက်ဆုံးဖြစ်သော မိုးသောက်ယံ၌ သုံးခုမြောက် ဤအသိဥာဏ်၊ ၀ိဇ္ဇာ(အာသ၀က္ခယဥာဏ်)ကို ရခဲ့ပြီ။ မသိမှု အ၀ိဇ္ဇာပျောက်ခဲ့ပြီ။ အသိဥာဏ်ဝိဇ္ဇာဖြစ်ပေါ်ခဲ့ပြီ။ အမှောင်ပျောက်ခဲ့ပြီ။ ဥာဏ်အလင်းရောင် ဖြစ်ပေါ်ခဲ့ပြီ။ မင်းသား - ထိုငါ့အား ဤသို့သော အကြံ(စဉ်းစားမှု)သည် ဖြစ်၏။

ငါသိအပ်သော ဤတရားကားနက်နဲ၏။ မြင်နိုင်ခဲ၏။ မွန်မြတ်၏။ တက္ကီပုဂ္ဂိုလ်တို့၏ ကျက်စားရာ မဟုတ်။

သောတာပန် တို့ ၏ အချစ်းမျိုးနှင့်

သားသမီးတွေဟာ ငယ်ရွယ်စဉ်အခါကာလက မိဘတွေရဲ့ သားသမီးတွေပါပဲ
 ချစ်စရာလည်း အလွန်ကောင်းခဲ့ပါတယ်။ ဒါပေမယ့် (ငယ်သောက သား၊ ကြီးတော့ ကျား) ဆိုတဲ့ အတိုင်းပါပဲ ကြီးပြင်းလာတဲ့အခါမှာ မိဘနှစ်ပါးအတွက်အန္တရာယ်ကြီးသလို

ကြောက်စရာလည်းကောင်းလာတတ်ပါတယ်။စာရှု့သူများသိကြသည့်အတိုင်းအဇာတသတ်ဇာတ်ကိုပဲ လေ့လာကြည့်မည်ဆိုလျှင် ဗိမ္မိသာရဘုရင်ကြီးရဲ့ မိဖုရားခေါင်ကြီးဟာ သားတော်လေးတစ်ပါး၏ ကိုယ်ဝန်ကိုလွယ်ထားရပါတော့တယ်။ တစ်နေ့သ၌ မိဖုရားခေါင်ကြီးဟာ ကိုယ်ဝန်ဆောင်မိခင်တို့ရဲ့သဘာဝအတိုင်း (ချဉ်ခြင်းတပ်မက်တဲ့)အာသာဆန္ဒတွေ ဖြစ်လာပါတယ်။ သာမန်လူတွေကတော့ အချဉ်စားချင်တာ၊ အစပ်စားချင်တာ၊ အစိမ့်စားချင်တာ၊

 ဆေးလိပ်ပြာလျက်ချင်တာ စသဖြင့် ချဉ်ခြင်းတပ်မက်ခြင်းတွေ ဖြစ်တတ်ကြပါတယ်။

ဗိမ္မိသာရဘုရင်ကြီးရဲ့မိဖုရားခေါင်ကြီးကတော့ထိုကဲ့သို့မဟုတ်ပါဘဲလင်ယောက်ျားဖြစ်တဲ့ဗိမ္မိသာရဘုရင်ကြီ

သန္ဒိဌိက ဓမ္မလမ်းစဉ်

ဘုရားအဆုံးအမဖြစ်တဲ့ ပိဋကတ်သုံးပုံ အကုန်လုံးဟာ ‘ဆင်းရဲလွတ်မှုတစ်ခု’ဖြစ်လို့ နည်းတွေများသော်လည်း အားလုံးအတူတူပဲ။ အကုန်လုံးလိုက်ပြီး လုပ်စရာမလိုဘူး။ အများကြီးထဲက ကြိုက်ရာတစ်ခုကို ၀ီရိယမှန်မှန်နဲ့ သန်သန်လုပ်ဖို့ အရေးကြီးတယ်။

စရဏ (အကျင့်) နဲ့ ၀ိဇ္ဇာ (အသိ) တပြိုင်နက်ဖြစ်အောင် လုပ်ရတယ်။ တစ်ချိန်တည်းမှာ အလုပ်နှစ်ခုပြီးတာ ဒါပဲရှိတယ်။ (အလုပ်လုပ်ရင်း ရအောင်ရှုပါ။)

ဘုရားစကား၊ ဆရာ့စကား တစ်ထစ်ချနာယူ၊ အရာရာ ရိုသေ၊ ကိုယ်ကို နှိမ့်ချ၊ ခန္တိနဲ့ မေတ္တာ များများထားပြီး လုပ်ရတယ်။

ဥပရိပဏ္ဏသပါဠိ(မြန်မာပြန်)ဗါလပဏ္ဍိတသုတ်မှ

သေခါနီး အင်းပျဉ်၌ဖြစ်စေ၊ ညောင်စောင်း၌ဖြစ်စေ တင်ထားသော၊ သို့မဟုတ် မြေပေါ်၌ မထပဲလဲလျောင်းနေသော သူမိုက်အား ရှေးကပြုခဲ့သော ကာယဒုစရိုက်၊ ၀စီဒုစရိုက်၊ မနောဒုစရိုက်၊ ယုတ်မာသော အပြုအမူ(ကံ)တို့သည် ထင်လာကုန်၏။ ပေါ်လာကုန်၏။ လွှမ်းမိုးလာကုန်၏။ ရဟန်းတို့ ဥပမာအားဖြင့် ကြီးစွာသော တောင်ထွဋ်၏ အရိပ်သည် ညနေစောင်းအခါ၌ မြေပြင်၌ ထင်ကုန်၊ ဖြစ်ပေါ်ကုန်၊ လွှမ်းမိုးကုန်သကဲ့သို့။ ထို့အတူ မကောင်းသော ကာယဒုစရိုက်၊ ၀စီဒုစရိုက်၊ မနောဒုစရိုက်ဟူသော ယုတ်မာသော အပြုအမူတို့သည် သေခါနီးဖြစ်သော ထိုသူမိုက်အား ထင်ကုန်၏။ ပေါ်ကုန်၏။

ဓူတင်ဟူသည်

ဓုတင် ဆိုသည်မှာ ကိလေသာကို ခါထွက်ကြောင်း ခေါင်းပါးစေသည့် အကျင့်တရားများ ဖြစ်သည်။ အကျဉ်းအားဖြင့် ဓုတင် ၁၃-ပါး ရှိသည်။
၁။ ဒါယကာတို့ လှူဒါန်းသော သင်္ကန်းကို စွန့်လျက် ပံ့သကူ သင်္ကန်းကို ဆောင်ခြင်းဟူသော ပံ့သကူ ဓုတင်၊ ၂။ လေးထည်မြောက် သင်္ကန်းကို စွန့်လျက် သုံးထည်သော သင်္ကန်းကိုသာ ဆောင်ခြင်းဟူသော တိစီဝရိက် ဓုတင်၊ ၃။ လာဘ်ပို လာဘ်လျှံကို ပယ်၍ ဆွမ်းခံ၍ရသော ဆွမ်းကိုသာ သုံးဆောင်ခြင်း (ပိဏ္ဍပါတ် ဓုတင်) ၄။